La Voz: A primeira máis morbosa de Galicia

Hoxe, o director de La Voz de Galicia, Xosé Luis Vilela, e máis os seus asesores xornalísticos veñen de deixar proba gráfica na primeira páxina do xornal de que os seus criterios informativos precisan dunha urxente revisión, aínda que ao noso parecer o mellor que podería facer Vilela para ben do xornalismo e da propia Voz é xubilarse (ten idade e cotizacións suficintes para retirarse con dignidade e deixar unha responsabilidade que lle ven moi grande).
Fronte á primeira de La Voz, a do xornal barcelonés La Vanguardia, que abre cunha imaxe que sen recurrir ao morbo reflicte o exemplo que está a dar a cidadanía diante da traxedia, pois na foto figuran representantes dos tres protagonistas dos feitos: os veciños, as vítimas e os membros dos servizos públicos que foron traballar ao lugar do accidente.
..

Na primeira páxina orixinal de La Voz de Galicia as facianas das tres persoas feridas
que están deitadas no chan aparecen sen cubrir 

A falla de sensibilidade e de intelixencia informativa do director de La Voz e de quen lle asesorara á hora de elexir a foto de primeira é aínda máis grave se temos en conta que entre as imaxes captadas polos dous fotoxornalistas da casa, Xoán A Soler e Mónica Ferreirós, hainas de moi boa calidade, sobresaínte valor informativo e que reflicten os feitos sen necesidade de recurrir ao morbo.
Por riba, Soler e Ferreirós tamén remitiron á central do xornal fotos da mesma escena elexida pola dirección de La Vanguardia, pois ela é a autora da foto que figura na primeira do xornal barcelonés e doutra semellante publicada na primeira de El País.
Os membros de ExVoz temos seleccionadas duas das moitas fotografías feitas polos dous fotoxornalistas, de xeito que a dirección tiña moitas posibilidades de confeccionar unha primeira páxina con rigor e respecto absoluto ás vítimas do sinistro.
Elexir as imaxes da primeira páxina esixe rigor informativo e sentido da oportunidade, entre outras cousas, pero nestes casos é imprescindíbel ter moita sensibilidade, moita!:
..

----------

COMPLEMENTO: Afortunadamente, al director y a sus asesores se les ha encendido la luz y la primera plana que hoy viernes 26 de julio abre La Voz es, sencillamente, un ejemplo de dignidad a la vez que de rigor informativo; tanto es así que la web PressEurop la utiliza en el resumen de prensa que ofrece a diario.

Ver http://www.presseurop.eu/es/content/news-brief/4004921-toda-galicia-llora.